இரண்டு வாகனங்கள் சம்பந்தப்பட்ட சாலை விபத்தில் இரு பெண்கள் உட்பட நால்வர் கடும் காயங்களுக்கு ஆளாகினர். இச்சம்பவம் நேற்று மாலை 6.20 மணியளவில் காப்பார் அருகில், ஜாலான் கோலசிலாங்கூர் - கிள்ளான் சாலையின் 13 ஆவது மைல், தேசிய மின்சார உற்பத்தி நிலையத்திற்கு செல்லும் கம்போங் தோக் மூடாவில் நிகழ்ந்தது.
ப்ரோத்தோன் அக்சியா ரக காரும், ப்ரோத்தோன் ஜென் 2 ரக காரும் சாலை வளைவில் எதிரும் புதிருமாக மோதிக்கொண்டு தடம் புரண்டதில் நால்வர் காயமுற்றதாக சிலாங்கூர் மாநில தீயணைப்பு, மீட்புப்படை உதவி இயக்குநர் அஹ்மாட் முக்லிஸ் மொக்தார் தெரிவித்தார்.
அக்சியா காரில் பயணம் செய்த 28,52 வயதுடைய இரண்டு நபர்களும், 13,16 வயதுடைய இரண்டு இளம் பெண்களும் காயமுற்றதாக அவர் குறிப்பிட்டார்.
