கோலாலம்பூர், ஜூலை.30-
எரிபொருள் வாராந்திர விலை நிர்ணயிப்பில் பெட்ரோல் ரோன் 97 லிட்டருக்கு 4 காசு விலை குறைந்துள்ளது. அது லிட்டருக்கு 3 ரிங்கிட் 21 காசிலிருந்து 3 ரிங்கிட் 17 காசுக்கு விலை குறைக்கப்பட்டுள்ளதாக நிதி அமைச்சு ஓர் அறிக்கையில் தெரிவித்துள்ளது.
பெட்ரோல் ரோன் 95 மற்றும் தீபகற்ப மலேசியாவில் டீசல் விலையில் எந்தவொரு மாற்றமும் இல்லை. அவற்றின் விலை தொடர்ந்து நிலை நிறுத்தப்பட்டுள்ளது. பெட்ரோல் ரோன் 95 லிட்டருக்கு 2 ரிங்கிட் 05 காசுக்கும், டீசல் 2 வெள்ளி 91 காசுக்கும் விலை நிலை நிறுத்தப்பட்டுள்ளதாக நிதி அமைச்சு அறிவித்துள்ளது.
