மைபிபிபி கட்சியின் தலைவராக டத்தோ மக்லின் டென்னிஸ் டிக்ருஸ் நியமனத்தை ரத்து செய்யக்கோரி அக்கட்சியின் முன்னாள் தலைவர் டான்ஸ்ரீ எம். கேவியஸ் தாக்கல் செய்துள்ள நீதிமன்ற மறுசீராய்வு விண்ணப்பத்திற்கு தேசிய சட்டத்துறை எதிர்ப்பு தெரிவித்துள்ளது. சங்கங்களின் பதிவு அலுவலகமான ரொஸ் சார்பில் கோலாலம்பூர் உயர் நீதிமன்றத்தில் ஆஜரான கூட்டரசு வழக்கறிஞர் முஹமாட் ஹைருல்க்ராம் ஹைருடின்,தமது வாதத்தில் கேவியஸின் விண்ணப்பம் நிராகரிக்கப்பட வேண்டும் என்று கோரிக்கை விடுத்தார். காரணம், அரசியல் கட்சிகள் சம்பந்தப்பட்ட விவகாரங்களை விசாரணை செய்யவோ அல்லது அவை குறித்து முடிவு செய்யவோ நீதித்துறைக்கு அதிகாரம் இல்லை. அவை 1966 ஆம் ஆண்டு சங்கங்களின் பதிவு சட்டத்தின் 18 சி பிரிவுக்கு முரணானது என்று அவர் சுட்டிக்காட்டினார்.
மைபிபிபி யின் தேசியத் தலைவராக டத்தோ மெக்லினை அங்கீகரித்து இருக்கும் ரொஸ்ஸின் நியமனத்தை ரத்து செய்வதற்கு கேவியஸ் தாக்கல் செய்துள்ள மனுவை ஏற்றுக்கொள்வதா? இல்லையா? என்பது தொடர்பான வாதங்களை இரு தரப்பினரும் சமர்ப்பிப்பதற்கு ஏதுவாக இவ்வழக்கு விசாரணையை கோலாலம்பூர் உயர் நீதிமன்றம் இம்மாதம் 29 ஆம் தேதிக்கு ஒத்திவைத்துள்ளது.
Related News
பூச்சோங் அடுக்குமாடி குடியிருப்பின் படிக்கட்டில் சிலை அமைத்த குடியிருப்பாளர் / உடனடியாக அகற்றுமாறு இந்து சங்கம் வலியுறுத்து
ஜாலான் துன் ரசாக் விபத்து: 70 விழுக்காடு தீக்காயங்களுடன் பெண் ஓட்டுநர் மீட்கப்பட்டார்
நான்கு மாத குழந்தை மரணம்: கைது செய்யப்பட்ட இரு பராமரிப்பாளர்களும் முறையாக பயிற்சி பெறவில்லை
ஜோகூர் ஹோட்டலில் பெண் கொடூரக் கொலை: 19 வயது சந்தேக நபர் கைது
மலாக்காவில் செல்போன் தகராறில் நண்பரை கொலை செய்த ஆடவர் கைது
