கோலாலம்பூர், ஜூலை 2-
உஸ்பெகிஸ்தான் ( Uzbekistan ) நாட்டின் நாடாளுமன்ற சபா நாயகர் டாக்டர் நூரிடின் இஸ்மாயலோவ் மலேசியாவிற்கு வருகை புரிந்துள்ளார். மலேசியாவிற்கு குறுகிய கால வருகை மேற்கொண்டுள்ள அந்த உஸ்பெகிஸ்தான் பிரமுகர், மரியாதை நிமித்தமாக இன்று செவ்வாய்க்கிழமை பிரதமர் டத்தோஸ்ரீ அன்வார் இப்ராஹிமை சந்தித்தார்.
அவர்களின் சந்திப்பு, நாடாளுமன்ற கட்டத்தில் நடைபெற்றது. கடந்த மே மாதம் பிரதமர் டத்தோஸ்ரீ அன்வார், உஸ்பெகிஸ்தானுக்கு மேற்கொண்ட அதிகாரத்துவப் பயணத்தின் பலனாக டாக்டர். நூரிடின் இஸ்மாய்லோவின் இந்த வருகை அமைந்தது.
மலேசியாவிற்கும் உஸ்பெகிஸ்தானுக்கும் இடையிலான பரஸ்பர உறவை வலுப்படுத்திக்கொள்ளும் வகையில் டாக்டர். நூரிடின் இஸ்மாய்லோவ் வருகை அமைந்திருப்பதாக வர்ணிக்கப்பட்டது.
