தொழிலாளர் சேமநிதி வாரிமான இபிஎப். பின் 81 விழுக்காட்டு சந்தாதாரர்கள், பணி ஓய்வுப் பெறும் போது அவர்களுக்குப் போதுமான சேமிப்பு இருக்காது என்று கண்டறியப்பட்டுள்ளது.
19 விழுக்காட்டினர் மட்டுமே தங்களின் 55 ஆவது வயதில் தலா 2 லட்சத்து 40 ஆயிரம் வெள்ளி சேமிப்பைக் கொண்டிருக்கும் அளவிற்கு அவர்களின் அடிப்படை சேமிப்பு இருக்கும் என்று மதிப்பிடப்பட்டுள்ளதாக பிரதமர் டத்தோ ஶ்ரீ அன்வார் இப்ராஹிம் தெரிவித்தார்.
55 வயது மற்றும் அதற்கு கீழ் பட்ட வயதுடைய 81 விடுக்காடு சந்தாதாரர்கள் பணி ஓய்வுப் பெறும் காலத்தில், போதுமான சேமிப்பைக் கொண்டிருக்காத காரணத்தால், அவர்கள் வறுமை கோட்டின் கீழ் தள்ளப்படலாம் என்று நிதி அமைச்சருமான அன்வார் குறிப்பிட்டார்.
தவிர, தற்போது 54 வயதை எட்டியுள்ள 2 லட்சத்து 75 ஆயிரம் இபிஎப். சந்தாதாரர்களில், ஒரு லட்சத்து 56 ஆயிரம் பேர் கூடிய பட்சம் 50 ஆயிரம் வெள்ளி அல்லது அதற்கு கீழ் பட்ட தொகையைத் தங்களின் வாழ்நாள் சேமிப்பாக கொண்டிருக்கின்றனர்.
இதன் பொருள், அடுத்த 20 ஆண்டுக் காலக்கட்டத்தில் அவர்களின் இபிஎப். ஓய்வு ஊதியம், மாதத்திற்குச் சராசரி 208 வெள்ளி என்பதையே அவர்களின் இந்த 50 ஆயிரம் வெள்ளி சேமிப்பு சித்தரிக்கிறது என்று பிரதமர் கூறினார்.
பணி ஓய்வுப் பெறும் போது 81 விழுக்காடு இபிஎப் சந்தாதாரர்களுக்கு போதுமான சேமிப்பு இருக்காது

இந்த செய்தியை பகிருங்கள்
Share this story with your friends and family
தொடர்புடைய செய்திகள்/ Related News
View all in தற்போதைய செய்திகள் →
டாக்சியைப் பயன்படுத்தி வழிப்பறியில் ஈடுபட்ட கும்பலின் எஞ்சிய உறுப்பினர்களைப் போலீஸ் துறை தேடுகிறது

பெந்தோங், காராக் பகுதிகளில் திடீர் வெள்ளம்

ஜோகூர் அரசு ஊழியர்களுக்கு இரண்டரை மாதச் சம்பளம் சிறப்பு ஊக்கத்தொகை

வாட்ஸ்அப் குழுச் செய்தியால் மாணவர் மீது மூவர் தாக்குதல்

இசிஆர்எல் ரயில் சேவை தொடக்க விழாவுக்கு போக்குவரத்து அமைச்சர் அவசியமில்லை


