கோலாலம்பூர் மொத்த விற்பனை நிலையத்தில் ஊழியருக்கு கத்திக் குத்து

நேற்று சனிக்கிழமை கோலாலம்பூரில் உள்ள மொத்த விற்பனை நிலையம் ஒன்றில் பணியாற்றிக் கொண்டிருந்த 30 வயதுடைய ஆடவர் ஒருவர், அடையாளம் தெரியாத மர்ம நபரால் கத்தியால் குத்தப்பட்டு காயமடைந்தார்.

இச்சம்பவம் தொடர்பாக இன்று ஞாயிற்றுக்கிழமை மதியம் 1.30 மணியளவில் போலீசாருக்கு தகவல் கிடைத்தது.

காயமடைந்தவர் செலாயாங் மருத்துவமனைக்குக் கொண்டு செல்லப்பட்டு சிகிச்சை பெற்று வருவதுடன், அவரது நிலை சீராக இருப்பதாக செந்துல் மாவட்ட போலீஸ் இடைகாலத் தலைவர் ஜஸ்னி ஸுல்பா தெரிவித்துள்ளார்.

தாக்குதலுக்கான காரணம் மற்றும் சந்தேக நபரை அடையாளம் காண போலீசார் விசாரணை நடத்தி வருகின்றனர்.

சம்பவம் குறித்து தகவல் தெரிந்தவர்கள் போலீசாரை தொடர்பு கொண்டு விசாரணைக்கு உதவுமாறு கேட்டுக் கொள்ளப்பட்டுள்ளனர்.