இந்தோ-பசிபிக் பிராந்தியத்துடனான வர்த்தகம் மற்றும் வியூகப்பூர்வ உறவுகளை மேம்படுத்தும் நோக்கில், மலேசியப் பயணிகளுக்கான விசா நிபந்தனைகளைக் கனடா இன்று முதல் தளர்த்தியுள்ளது.
புதிய கொள்கையின்படி, தகுதியுடைய மலேசியர்கள் பாரம்பரிய விசாவுக்குப் பதிலாக, ‘மின்னணு பயண அனுமதியான’ இடிஏ எனப்படும் ஆன்லைன் விசாவுக்கு விண்ணப்பித்துக் வான்வழியாகக் கனடா செல்லலாம்.
கடந்த 10 ஆண்டுகளில் கனடா விசா பெற்றிருந்தவர்கள் அல்லது தற்போது செல்லுபடியாகும் அமெரிக்க விசா வைத்திருக்கும் மலேசியர்கள் இதற்கு விண்ணப்பிக்கத் தகுதியானவர்கள் ஆவர். இந்த எளிய ஆன்லைன் முறை இன்று காலை முதலே அமலுக்கு வந்துள்ளதாகக் கனடா அரசு தெரிவித்துள்ளது.
