தொற்று அல்லாத நோய்களைக் கையாள மொத்தம் 9.65 பில்லியன் வெள்ளி செலவிடப்பட்டது, நாட்டின் சுகாதாரச் செலவில் இது 16.8 விழுக்காடு ஆகும் என சுகாதார அமைச்சர் டாக்டர் சலிஹா முஸ்டஃபா தெரிவித்தார்.
நீரிழிவு சிகிச்சைக்காக 4.38 பில்லியன் வெள்ளி செலவிடப்பட்டது. தொற்று அல்லாத நோய் தொடர்பான சிகிச்சைக்கான மொத்த செலவில் 45.38 விழுக்காடை எட்டியுள்ளது என்றார்.
தொற்று அல்லாத நோய் தொடர்பான சிகிச்சைக்கான செலவுகளில் நோயாளிகள் மருத்துவமனையில் சேர்க்கும் செலவுகள், சுகாதார கிளினிக்குகளில் முதன்மை பராமரிப்பு, மருத்துவமனைகளில் வெளிநோயாளர் சிகிச்சை, சுகாதார பரிசோதனைகள், மருத்துவ நிதி ஆகியவை அடங்கும் என்றார்.
2017 இல், தொற்று அல்லாத நோயானது நாட்டின் பொருளாதாரத்தில் எதிர்மறையான தாக்கத்தை ஏற்படுத்தியது, நோய் காரணமாக ஏற்பட்ட மறைமுக செலவான 12.88 பில்லியன் வெள்ளி மதிப்பிலான உற்பத்தித் திறனை நாடு இழந்திருப்பதாக அமைச்சர் மேலும் சொன்னார்.
