ஊழியர் சேமநிதி வாரியமான இபிஎப் 2026ஆம் ஆண்டின் முதல் ஒன்பது மாதங்களில் 83.32 பில்லியன் ரிங்கிட் முதலீட்டு வருமானத்தைப் பதிவு செய்துள்ளது. இது கடந்த ஆண்டின் இதே காலகட்டத்துடன் ஒப்பிடுகையில் 30 விழுக்காடு அதிகமாகும்.
மூன்றாவது காலாண்டில் மட்டும் முதலீட்டு வருமானம் 3 விழுக்காடு உயர்ந்து 25.82 பில்லியன் ரிங்கிட்டை எட்டியுள்ளது.
உலகளாவிய பங்குச் சந்தையின் ஏற்ற இறக்கங்கள் மற்றும் பத்திரச் சந்தையில் அதிகரிக்கும் வருவாய் விகிதங்கள் காரணமாக, அடுத்த காலாண்டில் முதலீட்டு வளர்ச்சி மிதமாக இருக்கலாம் என இபிஎப் தலைமைச் செயல்முறை அதிகாரி அஹ்மாட் ஸுல்கார்நாயின் ஓன் தெரிவித்துள்ளார்.
இதற்கிடையே, செப்டம்பர் 30ஆம் தேதி நிலவரப்படி இபிஎப்.பின் மொத்த முதலீட்டுச் சொத்துகள் 1.55 டிரில்லியன் ரிங்கிட்டாக அதிகரித்துள்ளன.
மேலும், இவ்வாண்டின் முதல் ஒன்பது மாதங்களில் சுமார் 6 லட்சத்து 59 ஆயிரம் புதிய உறுப்பினர்கள் பதிவு செய்துள்ளதாகவும் இபிஎப் தெரிவித்துள்ளது.








