சுங்கத்துறை மேற்கொண்ட நான்கு தனித்தனி சோதனை நடவடிக்கைகளில், 4 கோடியே 29 லட்சத்து 90 ஆயிரம் ரிங்கிட் மதிப்பிலான பல்வேறு வர்த்தகப் பொருட்கள் அடங்கிய 63 கொள்கலன்கள் பறிமுதல் செய்யப்பட்டுள்ளன.
இதில் மிகப்பெரிய பறிமுதல் நடவடிக்கையில், 3 கோடியே 75 லட்சத்து 60 ஆயிரம் ரிங்கிட் மதிப்புடைய 4 கோடியே 87 லட்சத்து 80 ஆயிரம் வெள்ளை சிகரெட்டுகள் அடங்கிய 4 கொள்கலன்கள் கைப்பற்றப்பட்டன.
மேலும், 11 லட்சத்து 90 ஆயிரம் மெட்ரிக் டன் இரும்பு மற்றும் பிளாஸ்டிக் கழிவுகள் அடங்கிய 57 கொள்கலன்களும் பறிமுதல் செய்யப்பட்டன.
இவற்றுடன், 1,578 லிட்டர் மதுபானங்களும், போலியான தகவல்களைப் பயன்படுத்தி இறக்குமதி செய்யப்பட்ட 1,240 பாலியல் விளையாட்டுப் பொருட்களும் கைப்பற்றப்பட்டன என்று சிலாங்கூர் மாநில சுங்கத்துறை இயக்குநர் நொரைடா இஷாக் தெரிவித்தார்.
