தொழில்முனைவோர் மற்றும் கூட்டுறவு மேம்பாட்டு அமைச்சர் ஸ்டீவன் சிம் இன்று முதல் செப்டம்பர் 5ஆம் தேதி வரை சீனாவின் குவாங்சோ நகருக்கு மலேசியக் குழுவிற்கு தலைமையேற்று பயணமாகினார்.
APEC சிறு மற்றும் நடுத்தர தொழில்துறை அமைச்சர்கள் கூட்டத்தில் பங்கேற்பதுடன், சீனாவின் அனைத்துலக சிறு மற்றும் நடுத்தர நிறுவனக் கண்காட்சியான CISMEF-லும் மலேசியக் குழு பங்கேற்கிறது.
இந்தப் பயணத்தில் உணவு, பானம் மற்றும் சுகாதாரப் பொருட்கள் துறைகளைச் சேர்ந்த 12 மலேசிய சிறு மற்றும் நடுத்தர நிறுவனங்களும் கூட்டுறவு நிறுவனங்களும் பங்கேற்கின்றன.
CISMEF மூலம் 150 மில்லியன் ரிங்கிட் வரையிலான சாத்தியமான விற்பனை மற்றும் வர்த்தக ஒத்துழைப்பை உருவாக்குவது இலக்காக நிர்ணயிக்கப்பட்டுள்ளது.
மலேசிய நிறுவனங்களுக்கு புதிய சந்தைகள், வாங்குபவர்கள், விநியோகஸ்தர்கள் மற்றும் மின்னணு வர்த்தகக் கூட்டாளர்களை கண்டறிவதுடன், சீனாவிலிருந்து மலேசியாவுக்கு முதலீடுகளை ஈர்ப்பதிலும் அமைச்சர் ஸ்டீவன் சிம் தலைமையிலான குழுவினர் கவனம் செலுத்துவர்.
