Nov 21, 2026
Thisaigal NewsYouTube

சிறப்புக் குழந்தைகளுக்குப் புதிய கற்றல் அறை: கிள்ளான் ரோட்டரி கிளப் ஏற்பாட்டில் ஒன்றரை லட்சம் ரிங்கிட் செலவில் திட்டம் அமல்

திசைகள் செய்திப்பிரிவு
Share:
சிறப்புக் குழந்தைகளுக்குப் புதிய கற்றல் அறை: கிள்ளான் ரோட்டரி கிளப் ஏற்பாட்டில் ஒன்றரை  லட்சம் ரிங்கிட் செலவில் திட்டம் அமல்

அனைத்துலக ரோட்டரி சங்கத்தின் ஒத்துழைப்புடன், டத்தோஸ்ரீ ரவி ராஜூ தலைமையிலான கிள்ளான் ரோட்டரி கிளப் ஏற்பாடு செய்த மல்டி-சென்சரி தெரபி அறை திறப்பு விழா இன்று புக்கிட் கெமுனிங் தேசியப் பள்ளி 2 இல் மிகச் சிறப்பாக நடைபெற்றது.

சிறப்புக் குழந்தைகள் எளிதாகவும் சுமுகமாகவும் பயில்வதற்குத் தேவையான நவீன உபகரணங்களுடன் கூடிய இந்தச் சிறப்பு வகுப்பறை, ஒரு பள்ளிக்கு தலா 30 ஆயிரம் ரிங்கிட் செலவில் பிரத்யேகமாக ஏற்படுத்திக் கொடுக்கப்பட்டுள்ளது.

இதுகுறித்து கிள்ளான் ரோட்டரி கிளப் தலைவர் டத்தோஸ்ரீ ரவி ராஜூ விவரிக்கையில், தாமான் செந்தோ தமிழ்ப்பள்ளி மற்றும் 4 தேசியப் பள்ளிகள் என மொத்தம் ஐந்து பள்ளிகளில் இந்தத் திட்டம் வெற்றிகரமாக அமல்படுத்தப்பட்டு வருவதாக குறிப்பிட்டார்.

சிறப்புக் குழந்தைகளின் கல்வித் தரத்தை மேம்படுத்தும் நோக்கில் செயல்படுத்தப்பட்ட இத்திட்டத்திற்காக மொத்தம் 1 லட்சத்து 50 ஆயிரம் ரிங்கிட் செலவிடப்பட்டுள்ளது. இந்த முழுத் தொகையையும் ரோட்டரி கிளப்பின் பங்காளிகள் இணைந்து நிதியுதவியாக வழங்கியுள்ளனர் என்று அவர் நன்றியுடன் தெரிவித்தார்.

இது தங்களின் அடுத்த மூன்று வருட கால திட்டமாகும் என்று குறிப்பிட்ட டத்தோஸ்ரீ ரவிராஜு, இதற்கு அப்பாற்பட்ட நிலையில் ஆசிரியர்களுக்கும், பெற்றோர்களுக்கும் பயிற்சி அளிப்பதாகும். இதற்கு ஒட்டுமொத்தமாக கிட்டத்தட்ட 3 லட்சம் ரிங்கிட் செலவாகும் என்றார்.

இந்த தெரபி வகுப்பறைகள் மூலமாகப் பள்ளிகளில் உள்ள சிறப்புக் குழந்தைகள் தங்களின் தனித்திறன்களையும், கற்றல் திறனையும் மேலும் சிறந்த முறையில் வளர்த்துக் கொள்ள முடியும் என்று கிள்ளான் ரோட்டரி கிளப்பின் துணை ஆளுநர் ரத்ன வேலு ராஜகோபால் தெரிவித்தார்.

தங்களின் இந்த முயற்சிக்கு பெரும் ஒத்துழைப்பு நல்கிய கிள்ளான் மாவட்ட கல்வி இலாகாவிற்கு கிள்ளான் ரோட்டரி கிளப் சார்பில் டத்தோஸ்ரீ ரவிராஜு நன்றி தெரிவித்துக்கொண்டார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
இந்திய சமூகத்தினருக்கான தொழில்முனைவோர் வாய்ப்புகள் தொடர்ந்து விரிவுபடுத்தப்படும் – அமைச்சர் ரமணன் உறுதி

இந்திய சமூகத்தினருக்கான தொழில்முனைவோர் வாய்ப்புகள் தொடர்ந்து விரிவுபடுத்தப்படும் – அமைச்சர் ரமணன் உறுதி

பினாங்கில் அழியும் நிலையில் பாபா நியோன்யா பாரம்பரியம் - முதலமைச்சர் சாவ் கோன் இயோவ் கவலை

பினாங்கில் அழியும் நிலையில் பாபா நியோன்யா பாரம்பரியம் - முதலமைச்சர் சாவ் கோன் இயோவ் கவலை

கோலா கங்சாரில் 15 வயது மாணவர் மரணம்: முழுமையான விசாரணை நடத்த சிபிஎஸ்எம் வலியுறுத்தல்

கோலா கங்சாரில் 15 வயது மாணவர் மரணம்: முழுமையான விசாரணை நடத்த சிபிஎஸ்எம் வலியுறுத்தல்

புக்கிட் தாகாரில் விபத்து: வடிகால் நீர் சுழலில் சிக்கி இரு தொழிலாளர்கள் பலி

புக்கிட் தாகாரில் விபத்து: வடிகால் நீர் சுழலில் சிக்கி இரு தொழிலாளர்கள் பலி

சிறார்கள் மத்தியில் அதிகரிக்கும் மனநலப் பாதிப்பு, இளவயது கர்ப்பம்: வான் அஸிஸா கவலை

சிறார்கள் மத்தியில் அதிகரிக்கும் மனநலப் பாதிப்பு, இளவயது கர்ப்பம்: வான் அஸிஸா கவலை

நெகிரி செம்பிலான் அரசியல்  நெருக்கடிக்கு முடிவு: கட்சித் தலைமையின் உத்தரவுகளைப் பின்பற்ற உறுப்பினர்கள் ஒப்புதல்

நெகிரி செம்பிலான் அரசியல் நெருக்கடிக்கு முடிவு: கட்சித் தலைமையின் உத்தரவுகளைப் பின்பற்ற உறுப்பினர்கள் ஒப்புதல்