அந்த வார்த்தையை நான் பயன்படுத்தவில்லை

கிளந்தான்,ஜூலை 27-

அடுத்த மாதம் நடைபெறவிருக்கும் கிளந்தான், குவா மூசாங் நாடாளுமன்றத் தொகுதிக்கு உட்பட்ட Nenggiri சட்டமன்றத் தொகுதி இடைத் தேர்தலில் DAP விலகியிருக்க வேண்டும் என்று தாம் கூறியதாக கூறப்படுவதை குவா மூசாங் அம்னோ டிவிஷன் தலைவரும், மூத்த அரசியவாதியுமான Tengku Razaleigh Hamzah மறுத்துள்ளார்.

ஆகஸ்ட் 17 ஆம் தேதி நடைபெறவிருக்கும் இந்த இடைத் தேர்தலில் DAP பிரச்சாரம் செய்ய வேண்டிய அவசியமில்லை என்று மட்டுமே தாம் கூறியதாக Tengku Razaleigh குறிப்பிட்டார்.

சம்பந்தப்பட்ட சட்டமன்றத் தொகுதி மலாய்க்காரர்கள் நிறைந்த பகுதியாகும். அங்கு தேர்தல் பிரச்சாரத்திற்கு DAP தலைவர்கள் அழைக்கப்படுவார்களா என்று ஒரு கேள்வி தம்மிடம் முன்வைக்கப்பட்டதாக Tengku Razaleigh தெரிவித்தார்.

அதற்கு பதில் அளிக்கும் வகையிலேயே தாம் அவ்வாறு சொன்னதாகவும், ஆனால், DAP இடைத் தேர்தலிலிருந்து விலகியிருக்க வேண்டும் என்று தாம் கூறவில்லை என்று முன்னாள் நிதி அமைச்சருமான Tengku Razaleigh தெளிவுபடுத்தினார்