மலேசியாவின் மிகப்பெரிய சுற்றுலா மற்றும் பயணக் கண்காட்சிகளில் ஒன்றான மேட்டா ஃபேர் 2026 , வரும் செப்டம்பர் 4 முதல் 6 வரை கோலாலம்பூர் மைடெக் கண்காட்சி மையத்தில் நடைபெறுகிறது.
இந்த மூன்று நாள் கண்காட்சியில், 306 நிறுவனங்களைச் சேர்ந்த 2,000-க்கும் மேற்பட்ட அரங்குகள் இடம்பெறவுள்ளன.
59-ஆவது தேசிய மேட்டா ஃபேர்-இன் அதிகாரப்பூர்வ விமான நிறுவனப் பங்காளியாக மலேசியா ஏவியேஷன் குரூப் மீண்டும் இணைந்துள்ளது.
மலேசியா ஏர்லைன்ஸ் மற்றும் ஃபையர் ஃபிளை விமானங்களில் உள்நாட்டு மற்றும் அனைத்துலக பயணங்களுக்கு சிறப்பு கட்டணச் சலுகைகள் வழங்கப்படவுள்ளன.
பாங்காக், சிங்கப்பூர், ஜகார்த்தா, பாலி, ஹனோய் உள்ளிட்ட அருகாமை நாடுகளுக்கும், லண்டன், மெல்போர்ன், சிட்னி, தோக்கியோ மற்றும் ஆக்லாந்து போன்ற தொலைதூர நகரங்களுக்கும் பயணச் சலுகைகள் கிடைக்கவுள்ளன.
