கைரிக்கு போட்டியிடும் வாய்ப்பை வழங்கினார் முகைதீன்

அம்னோ முன்னாள் இளைஞர் பிரிவுத் தலைவரும், முன்னாள் சுகாதாரத்துறை அமைச்சருமான கைரி ஜமாலுடின் , தமது தலைமையிலான பெர்சத்து கட்சியில் இணைவாரேயானால் வரும் சட்டமன்றத் தேர்தலில் பெர்சத்து கட்சி சின்னத்தில் போட்டியிடுவதற்கு வாய்ப்பு வழங்கப்படும் என்று அக்கட்சியின் தலைவர் டான்ஸ்ரீ முகைதீன் யாசின் நிபந்தனையுடன் கூடிய அழைப்பை விடுத்துள்ளார்.
பெர்சத்து கட்சியில் ஓர் உறுப்பினராக கைரி ஜமாலுடின் இணைந்தால் மட்டுமே போட்டியிடுவதற்கான வாய்ப்பு வழங்கப்படும் என்று முன்னாள் பிரதமருமான முகைதீன் நிபந்தனை விதித்துள்ளதாக பெர்சத்து கட்சியின் இளைஞர் பிரிவுத் தலைவர் ரசாலி இட்ரீஸ் தெரிவித்துள்ளார்.
கைரி தமது உறுப்பினர் விண்ணப்பத்தை முதலில் சமர்ப்பிக்க வேண்டும் என்றும் பிறகு அவர் எந்தத் தொகுதியில் போட்டியிட வேண்டும் என்பதை கட்சியின் தலைமை மட்டுமே நிர்ணயிக்க முடியும் என்றும் பல நிபந்தனைகள் விதிக்கப்பட்டுள்ளதாக ரசாலி இட்ரீஸ் குறிப்பிட்டார்.