Nov 22, 2026
Thisaigal NewsYouTube

சாமுராய் வாளால் பெற்றோரைத் தாக்கிய வழக்கு: ஆடவரை மனநல பரிசோதனைக்கு அனுப்ப நீதிமன்றம் உத்தரவு

திசைகள் செய்திப்பிரிவு
Share:
சாமுராய் வாளால் பெற்றோரைத் தாக்கிய வழக்கு: ஆடவரை மனநல பரிசோதனைக்கு அனுப்ப நீதிமன்றம் உத்தரவு

ஈப்போ, ஜனவரி.02

தனது பெற்றோரை சமுராய் வாளால் கடுமையாகக் காயப்படுத்தியதாகக் குற்றம் சுமத்தப்பட்ட 30 வயதான அய்மான் சுஹைமியை மனநல பரிசோதனைக்கு உட்படுத்த ஈப்போ அமர்வு நீதிமன்றம் இன்று உத்தரவிட்டுள்ளது.

குற்றவியல் நடைமுறைச் சட்டம், பிரிவு 342-ன் கீழ், இந்த உத்தரவை நீதிபதி அய்னுல் ஷாரின் பிறப்பித்தார்.

இதன் அடிப்படையில், அய்மான் சுஹைமியை தஞ்சோங் ரம்புத்தானில் உள்ள பஹாகியா உலு கிந்தா மருத்துவமனைக்கு அனுப்ப நீதிமன்றம் உத்தரவிட்டுள்ளது.

கடந்த டிசம்பர் 26-ஆம் தேதி, காலை 6.30 மணியளவில், பெர்சாம், பண்டார் பாரு புத்ராவிலுள்ள வீடு ஒன்றில், அய்மான் இக்குற்றத்தைப் புரிந்ததாகக் குற்றம் சாட்டப்பட்டுள்ளது.

காயமடைந்த அய்மானின் பெற்றோர், தற்போது ஈப்போ ராஜா பெர்மைசூரி பைனுன் மருத்துவமனையில் சிகிச்சைப் பெற்று வருகின்றனர்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →