Nov 21, 2026
Thisaigal NewsYouTube

கிள்ளான் ரோட்டரி கிளப் ஏற்பாடு: பேரிடர் நிவாரண நிதி வழங்கியவர்களுக்கு பாராட்டு விழா

திசைகள் செய்திப்பிரிவு
Share:
கிள்ளான் ரோட்டரி கிளப் ஏற்பாடு: பேரிடர் நிவாரண நிதி வழங்கியவர்களுக்கு பாராட்டு விழா

தாய்லாந்து, இந்தோனேசியா மற்றும் இலங்கை ஆகிய நாடுகளில் அண்மையில் ஏற்பட்ட வெள்ளப் பேரிடரால் பாதிக்கப்பட்ட மக்களுக்காக கிள்ளான் ரோட்டரி கிளப், ரோட்டரி மாவட்டங்கள் 3300, நிவாரண நிதி திரட்டியது. இந்த மனிதாபிமான பணிக்கு தாராளமாக நிதி வழங்கிய நன்கொடையாளர்களைக் கௌரவிக்கும் வகையில், நேற்று ஏப்ரல் முதல் தேதி பெட்டாலிங் ஜெயாவிலுள்ள ஹீ லாய் டன் உணவகத்தில் சிறப்பு விருந்து உபசரிப்பு நடைபெற்றது.

கிள்ளான் ரோட்டரி கிளப் தலைவர் டத்தோஸ்ரீ டாக்டர் ரவி ராஜ் தலைமையில் இந்நிகழ்வு நடைபெற்றது. வெள்ள நிவாரண நிதிக்கு பங்களித்தவர்களுக்கு நன்றி தெரிவித்தல் மற்றும் பாராட்டுப் பத்திரம் வழங்கும் நிகழ்வும் நடைபெற்றது.

திரட்டப்பட்ட நிதியானது பாதிக்கப்பட்ட நாடுகளின் அதிகாரப்பூர்வ நிவாரண முகமைகளுக்கு நேரடியாக வழங்கப்பட்டதாக டத்தோஸ்ரீ டாக்டர் ரவி ராஜ் தெரிவித்தார்.

பேரிடர் நம்மைத் தாக்கும் போது, நாம் யார், எந்த நாடு என்ற பாகுபாடு அதற்குத் தெரிவதில்லை; அது நமக்கிடையிலான எல்லைகளைப் பிரித்துப் பார்ப்பதுமில்லை. எல்லைகளைக் கடந்து பிற நாடுகளின் பேரிடர் துயர்துடைப்புப் பணிகளில் ரோட்டரி கிளப்பினால் எப்படி உதவ முடியும் என்பதை இன்று இரவு நாம் இங்கே நேரில் காண்பதில் பெருமிதம் கொள்கிறோம் என்று ரோட்டரி கிளப் மாவட்டங்கள் 3300 ஆளுநர் எட்வர்ட் கூ தெரிவித்தார்.

நிகழ்வில் கலந்து கொண்ட மலேசியாவிற்கான இலங்கை இடைக்காலத் தூதர் எம்.ஐ. முகமது ரிஸ்வி கூறுகையில் பேரிடர் காலத்தில் பாதிக்கப்பட்ட மக்களுக்கு உதவும் நோக்கில் நிதி திரட்டி, உதவிக்கரம் புரிந்துள்ள ரோட்டரி கிளப் பொறுப்பாளர்களுக்கு தமது நன்றியை தெரிவித்துக்கொண்டார்.

மூன்று நாடுகளுக்கான நிவாரண நிதியாக ஒரு லட்சத்து 50 ஆயிரம் ரிங்கிட்டை தாங்கள் திரட்டியதாக ரோட்டரி கிளப்பின் முன்னாள் உதவி ஆளுநர் கனகேஸ்வரி கார்த்திகேயன் தெரிவித்தார்.

மூன்று நாடுகளுக்கான நிவாரண நிதியை திரட்டும் திட்டத்திற்கு தலைமையேற்ற டத்தோஸ்ரீ டாக்டர் ரவிராஜ் மற்றும் அவர்தம் குழுவினருக்கு முன்னாள் உதவி ஆளுநர் ரத்னவேலு ராஜகோபால் தமது நன்றியை தெரிவித்துக்கொண்டர்.

நிவாரண நிதி திரட்டல் பாராட்டு நிகழ்வில் சுமார் 200 க்கும் மேற்பட்டவர்கள் கலந்து சிறப்பித்தனர்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு