புகைமூட்டம் நிலவினாலும், கோலாலம்பூர், புத்ராஜெயா, சிலாங்கூர், நெகிரி செம்பிலான், மலாக்கா, பகாங், பினாங்கு ஆகிய ஏழு மாநிலங்கள் மற்றும் கூட்டரசுப் பிரதேசங்களில் பள்ளிகள் நாளை வழக்கம்போல் இயங்கும். எனினும், வெளிப்புற நடவடிக்கைகள் தற்காலிகமாக நிறுத்தப்படும்.
கோலாலம்பூர் கூட்டரசுப் பிரதேசக் கல்வித் துறை, நேரடி வகுப்புகள் வழக்கம்போல் நடைபெறும் என்று தெரிவித்துள்ளது. புத்ராஜெயாவில் மாணவர்கள் முகக்கவசம் அணிய ஊக்குவிக்கப்படுகின்றனர்.
நெகிரி செம்பிலானில் காற்றுத் தூய்மைக் குறியீடு 100-ஐத் தாண்டினால் வெளிப்புற நடவடிக்கைகள் நிறுத்தப்படும். பகாங் மாநிலத்தின் பெந்தோங், பேரா, மாரான், தெமர்லோ பகுதிகளிலும் வெளிப்புற நடவடிக்கைகள் நிறுத்தப்படும்.
குழந்தைகளின் உடல்நலம் குறித்து கவலைப்படும் பெற்றோர், பள்ளிக்குத் தகவல் தெரிவித்துவிட்டு தங்கள் பிள்ளைகளை வீட்டிலேயே வைத்திருக்கலாம். ஆபத்துக் குழுவைச் சேர்ந்த மாணவர்களின் உடல்நலத்தைக் கண்காணிக்கவும் பள்ளிகளுக்கு அறிவுறுத்தப்பட்டுள்ளது.
