இந்நாட்டில் இயங்கி வரும் தமிழ், சீன தாய்மொழிப்பள்ளிகளை பெரிக்காத்தான் நேஷனல் ஒரு போதும் மூடாது என்று பெர்சத்து கட்சியின் இளைஞர் பிரிவுத் தலைவர் ஃபைசல் வான் அகமது கமால் உறுதி அளித்துள்ளார்.
அதேவேளையில் கோலகுபு பாரு சட்டமன்றத் தேர்தலில் பக்காத்தான் ஹராப்பான் வேட்பாளராக போட்டியிடும் பாங் சாக் தாவோ, தாய்மொழிப்பள்ளியில் படித்தவர் என்று மறைமுகமாக சிறுமைப்படுத்தி பேசியிருக்கும் பாசிர் மாஸ் நாடாளுமன்ற உறுப்பினர் அஹ்மத் ஷாரி-யின் செயலுக்காக பகிரங்க மன்னிப்பு கோருவதாக ஃபய்சல் வான் அஹ்மத் குறிப்பிட்டுள்ளார்.
தமிழ், சீன தாய்மொழிப்பள்ளிகளை பெரிக்காத்தான் நேஷனல் ஒரு போதும் எதிர்க்காது. மாறாக அப்பள்ளிகள் தேசிய பாடத்திட்டத்துடன் மேன்மையுறுவதை பெரிக்காத்தான் நேஷனல் முழுமையாக ஆதரிக்கும் என்று இன்று நடைபெற்ற செய்தியாளர்கள் கூட்டத்தில் ஃபய்சல் வான் அஹ்மத் இதனை தெரிவித்துள்ளார்.
