நாளை முதல் ரோன்97 பெட்ரோல் விலை லிட்டருக்கு 20 சென் குறைந்து 4 ரிங்கிட் 15 சென்னாக விற்பனை செய்யப்படும் என நிதியமைச்சு அறிவித்துள்ளது. மானியமற்ற ரோன்95 விலை 15 சென் குறைந்து 3 ரிங்கிட் 62 சென்னாகவும், மானியமற்ற டீசல் விலை 10 சென் குறைந்து 4 ரிங்கிட் 47 சென்னாகவும் நிர்ணயிக்கப்பட்டுள்ளது. இந்த விலைகள் ஆகஸ்ட் 19ஆம் தேதி வரை அமலில் இருக்கும்.
அதேவேளை, புடி95 திட்டத்தின் கீழ் ரோன்95 விலை 1 ரிங்கிட் 99 சென்னாகவும், புடி டீசல் திட்டத்தின் கீழ் டீசல் 2 ரிங்கிட் 10 சென்னாகவும் தொடர்ந்து விற்பனை செய்யப்படும் என்று நிதி அமைச்சு இன்று வெளியிட்டுள்ள ஓர் அறிக்கையில் தெரிவித்துள்ளது.
