காயங்களின்றி நூலிழையில் உயிர் தப்பினார்

கெடா,ஆகஸ்ட் 04-

கெடா, ஜித்ராவின் வடக்கு தெற்கு நெடுஞ்சாலையில் உள்ள TAMAN SINAR HARAPAN முன், MERCEDES BENZ GLC 43 ரக வாகனம் ஒன்று திடீரென தீப்பிடித்து எரிந்தது.

அச்சமயத்தில் வாகனத்தினுள் இருந்த ஓட்டுநர் வாகனத்தில் இருந்து வெளியேறி காயங்களின்றி நூலிழையில் உயிர் தப்பியுள்ளார்.

அச்சம்பவம் குறித்து, இன்று காலை 9.48 மணிக்கு அவசர அழைப்பு கிடைத்து நிகழ்விடத்திற்கு சென்ற ஜித்ரா தீயணைப்பு மற்றும் மீட்புப் படையினர், வாகனத்தில் பற்றி எரிந்த தீயை முழுமையாககக் கட்டுப்பாட்டிற்குள் கொண்டு வந்துள்ளனர்.

மேலும், அந்த விபத்துக்கான காரணமும் இழப்பீட்டிற்கான மொத்த மதிப்பும் ஆராயப்படுகிறது.