Nov 22, 2026
Thisaigal NewsYouTube

பட்டாசு வீசி தெரு நாயைக் கொன்ற உணவக உரிமையாளருக்கு 2 ஆயிரம் ரிங்கிட் அபராதம்

திசைகள் செய்திப்பிரிவு
Share:
பட்டாசு வீசி தெரு நாயைக் கொன்ற உணவக உரிமையாளருக்கு 2 ஆயிரம் ரிங்கிட்  அபராதம்

பத்து காஜா, பிப்ரவரி.27-

பேராக், பத்து காஜாவில் பட்டாசு வீசி தெரு நாய் ஒன்றைக் கொன்ற குற்றத்திற்காக 64 வயது உணவக உரிமையாளருக்கு மாஜிஸ்திரேட் நீதிமன்றம் இன்று 2 ஆயிரம் ரிங்கிட் அபராதம் விதித்தது.

64 வயதான வோங் பான் சாங் என்ற அந்த உணவக உரிமையாளர், பத்து காஜா மாஜிஸ்திரேட் நீதிமன்றத்தில் நிறுத்தப்பட்டு, அவருக்கு எதிரான குற்றச்சாட்டு வாசிக்கப்பட்டது.

கடந்த ஜனவரி 28-ஆம் தேதி இரவு 7:30 மணியளவில், பத்து காஜா, பூசிங், ஜாலான் செரோஜா பகுதியில் அமைதியாக அமர்ந்திருந்த அந்த வாயில்லா ஜீவன் மீது பட்டாசு வீசித் தாக்கியாகவும், பட்டாசு வெடித்த அந்த கோரமான சத்தத்தில், அந்த அப்பாவி நாய் நிலைகுலைந்து, சம்பவ இடத்திலேயே ரத்த வெள்ளத்தில் துடிதுடிக்க உயிரிழந்ததாகவும் குற்றச்சாட்டில் தெரிவிக்கப்பட்டது.

இந்த மொத்தக் கொடூரமும் அங்கிருந்த சிசிடிவி கேமராவில் பதிவாகி, சமூக வலைதளங்களில் வைரலாகி அனைவரையும் உலுக்கியது. இந்தச் சம்பவம் குறித்து விலங்கு நல ஆர்வலர்கள் கவலை தெரிவித்ததுடன் , விலங்கு நலச் சட்டம் 2015- ஆவது பிரிவின் கீழ் அந்த உணவக உரிமையாளருக்கு எதிராக கடும் நடவடிக்கை எடுக்கப்பட வேண்டும் என்றும் வலியுறுத்தினர்.

கடந்த ஜனவரி 29 ஆம் தேதி கைது செய்யப்பட்ட அந்த உணவக உரிமையாளர், இன்று நீதிமன்றத்தில் நிறுத்தப்பட்ட போது தனக்கு எதிரான குற்றத்தை ஒப்புக் கொண்டார்.

தனக்கு விதிக்கப்பட்ட 2 ஆயிரம் ரிங்கிட் அபராதத் தொகையைச் செலுத்தத் தவறினால் 2 மாத சிறைத் தண்டனை அனுபவிக்க நேரிடும் என்று மாஜிஸ்திரேட் Azlin Zeti Zainal Abidin உத்தரவிட்டார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →
2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

2027-ஆம் ஆண்டில் குறைந்த செலவில் மருத்துவக் காப்பீடு: பொருளாதார அமைச்சு புதிய திட்டம்

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

700 கிலோ போதைப்பொருள் கடத்தல் முறியடிப்பு - கிளந்தான் போலீஸ் பாராட்டு

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

பதவி விலகல் கடித விவகாரம்: நெகிரி செம்பிலான் மந்திரி பெசாரிடமிருந்து போலீசுக்கு இன்னும் புகார் கிடைக்கவில்லை

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

டாக்டர் சரவணா பதவி விலகினாலும் சேவைகள் தொடரும்: சுல்தானா அமினா மருத்துவமனை இயக்குநர் தகவல்

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

கோலாலம்பூரில் பட்டப்பகலில் கேபிள் திருட்டு; சமூக ஊடகங்களில் வைரலான அதிர்ச்சி வீடியோ

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு

ஆபத்தான கெளுத்தி மீன்களைப் பிடிக்க 4 லட்சத்து 50,000 நிதி ஒதுக்கிய பகாங் அரசு