சிறப்பான அடைவு நிலையை பெரிக்காத்தான் பதிவு செய்யும்

ஆறு மாநிலங்களில் நடைபெறவிருக்கும் சட்டமன்றத் தேர்தலில் தமது தலைமையிலான பெரிக்காத்தான் நேஷனல் சிறப்பான அடைவு நிலையை பதிவு செய்யும் என்று அதன் தலைவர் டான்ஸ்ரீ முகைதீன் யாசின் நம்பிக்கை தெரிவித்தார். இதுவரையில் மக்களிடமிருந்து கிடைக்கப்பெற்று வரும் ஆதரவு தங்களுக்கு பிரமிப்பை ஏற்படுத்தும் வகையில் இருப்பதாக பெர்சத்து கட்சித் தலைவருமான முகைதீன் குறிப்பிட்டார்.

மக்களிடையே காணப்படும் இந்த எழுச்சி அலை, தொடர்ந்து நீடித்தால் அடுத்த மாதம் 12 ஆம் தேதி மிகப்பெரிய மாற்றத்தை எதிர்பார்க்கலாம் என்று முகைதீன் நம்பிக்கை தெரிவித்துள்ளார்.