கடந்த 14 ஆவது பொதுத் தேர்தலுக்கு பிறகு சிலாங்கூர் மாநில மந்திரி பெசார் பதவிக்கு சுங்கை துவா சட்டமன்ற உறுப்பினர் அமிருடின் ஷாரியின் பெயரை பிகேஆர் கட்சி முன்மொழியவில்லை என்று அதன் முன்னாள் துணைத் தலைவரும், பெரிக்காத்தான் நேஷனல் சிலாங்கூர் மாநிலத் தலைவருமான டத்தோஸ்ரீ அஸ்மின் அலி இன்று அம்பலப்படுத்தினார்.
“சிலாங்கூர் மாநில மந்திரி புசாராக பொறுப்பு வகித்து வந்துள்ளேன் என்ற முறையில் மாநிலத்தின் புதிய மந்திரி புசார் பதவிக்கு என்னுடைய மற்றும் சிலாங்கூர் மாநில அரசின் தேர்வு சுங்கை துவா சட்டமன்ற உறுப்பினர் அமிருடின் ஷாரியே என்று கூறி அவரின் பெயரை இஸ்தானாவிற்கு முன்மொழிந்தது நானே” என்று அஸ்மின் அலி தெரிவித்தார்.
இன்று ஷா ஆலாமில் நடைபெற்ற சிலாங்கூர் மாநில பெரிக்காத்தான் நேஷனல் சட்டமன்றத் தேர்தல் மாநாட்டில் உரையாற்றுகையில் அஸ்மின் அலி, இதனை தெரிவித்தார்.
இன்று வேண்டுமானால் அமிருடின், தனது புதிய நட்பு வட்டாரத்துடன் இணைந்து இருக்கலாம். ஆனால், மந்திரி புசார் பதவிக்கு அவரின் பெயரை இஸ்தானாவிற்கு முன்மொழிந்தது தாமே என்பது வரலாறாகும் என்று அஸ்மின் அலி குறிப்பிட்டார். பெரும் திரளாக உறுப்பினர்கள் கலந்து கொண்ட இந்த மாநாட்டிற்கு பெரிக்காத்தான் நேஷனல் தலைவர் டான்ஸ்ரீ முகைதீன் யாசின் சிறப்பு வருகை புரிந்தார்.
Related News
சுங்கை பட்டாணி வன்முறைச் சம்பவங்கள்: 17 வயதுச் சிறுவன் உட்பட 14 பேர் மீது நீதிமன்றத்தில் குற்றச்சாட்டு
பெரும் சோகம்: ரம்புத்தான் பழக் கொட்டைத் தொண்டையில் சிக்கி 5 வயது சிறுவன் உயிரிழப்பு
டத்தோ ஸ்ரீ விருது பெற்றுத் தருவதாக லஞ்சம்: முன்னாள் பெண் செய்தியாளர் நீதிமன்றத்தில் மறுப்பு
துன் மகாதீரின் உடல்நலத்தில் முன்னேற்றம்: மருத்துவக் குழுவினர் திருப்தி
5G சேவையில் சிலாங்கூர் முதலிடம்: 96.9 சதவீத இலக்கை எட்டி சாதனை
