தீபகற்ப மலேசியாவில் உள்ள பல கால்டெக்ஸ் எண்ணெய் நிலையங்களில் RON95 பெட்ரோல் மற்றும் டீசல் விநியோகத் தட்டுப்பாடு ஏற்பட்டுள்ளது.
குறிப்பாக பெர்லிஸ், கெடா, பினாங்கு, பேராக் மற்றும் கிளந்தான் ஆகிய மாநிலங்களில் உள்ள நிலையங்கள் இதனால் பாதிக்கப்பட்டுள்ளதாக கால்டெக்ஸ் மலேசியா அறிவித்துள்ளது.
எண்ணெய்யை கொண்டு வருவதில் துறைமுகத்தில் ஏற்பட்டுள்ள எதிர்பாராத தாமதங்களே இந்த விநியோகத் தடைக்கு முக்கியக் காரணமாகக் கூறப்படுகிறது. இந்தத் தட்டுப்பாடு இன்னும் சில நாட்களுக்கு நீடிக்கலாம் என எதிர்பார்க்கப்படுகிறது.
ஈரான் மீதான போர் மற்றும் ஹார்முஸ் நீரிணை ஒரு மாதமாக மூடப்பட்டிருப்பதால், உலகளாவிய கச்சா எண்ணெய் போக்குவரத்தில் பெரும் சிக்கல் ஏற்பட்டுள்ளது. இதன் எதிரொலியாகவே மலேசியாவிலும் எரிபொருள் விநியோகத்தில் தாமதம் ஏற்பட்டுள்ளதாகத் தெரிகிறது. கடந்த வாரம் ஷெல் நிறுவனமும் இதேபோன்ற பாதிப்பைச் சந்தித்தது குறிப்பிடத்தக்கது.
