இசுலாம் அல்லாத பண்டிகைகளின் வாழ்த்துகளைக் கொண்ட பொருட்களைக் கடைகளில் பார்வைக்கு வைக்கப்படக் கூடாது என கடந்த 2020 ஆம் ஆண்டில் ஜாக்கிம் வெளியிட்ட தடை இப்போது பயன்பாட்டில் இல்லை எனத் தெரிவிக்கப்பட்டுள்ளது.
இவ்விவகாரம் குறித்து விளக்கமளித்த ஜாக்கிம், ஹலான் அங்கீகாரச் சான்றிதழ் கொண்ட கடைகளில் பண்டிகை வாழ்த்துகளை உள்ளடக்கியப் பொருட்களை கடைகளுக்கு வரும் வாடிக்கையாளர்களின் பார்வைக்கு வைக்கப்பட முடியும் என கூறியுள்ளது.
மலேசிய ஹலால் சான்றிதழ் அளிப்பு நடைமுறையை ஜாக்கிம் அவ்வப்போது மீளாய்வு செய்யப்படும் எனவும் 2020இல் வெளியிடப்பட்ட அறிக்கையில் குறிப்பிட்ட தடையும் விதிமுறையும் இப்போது பயன்பாட்டில் இல்லை எனவும் ஜாக்கிம் விளக்கமளித்தது.
