சமூக வலைத்தளத்தில் போலீசாரைக் கேலி செய்யும் வகையிலான கேலிச் சித்திரத்தைப் பதிவிட்டதாகச் சந்தேகிக்கப்படும் 50 வயது மலாய் ஆடவர் ஒருவர், புத்ராஜெயா அருகே கைது செய்யப்பட்டுள்ளார்.
கடந்த அக்டோபர் 25ஆம் தேதி ஃபேஸ்புக் தளத்தில் வெளியான அந்தப் பதிவு தொடர்பாக, நாடு முழுவதும் 38 போலீஸ் புகார்கள் கிடைத்துள்ளதாக கெடா மாநில போலீஸ் தலைவர் டத்தோ அட்ஸ்லி பின் அபு ஷா தெரிவித்தார்.
கைது செய்யப்பட்ட சந்தேக நபர் சுயதொழில் செய்பவர் என்றும், அவருக்கு முந்தைய குற்றப் பதிவுகள் இல்லை என்றும் தெரிவிக்கப்பட்டது. அவரிடமிருந்து கையடக்கத் தொலைபேசியும் பறிமுதல் செய்யப்பட்டது.
இந்த வழக்கு தொடர்புடைய சட்டப் பிரிவுகளின் கீழ் விசாரிக்கப்படுகிறது. சந்தேக நபரை இரண்டு நாட்கள் தடுப்புக் காவலில் வைத்து விசாரிக்க நீதிமன்றம் அனுமதி வழங்கியுள்ளது.
சமூக வலைத்தளங்களில் ஆதாரமற்ற தகவல்களையும் உண்மைக்குப் புறம்பான செய்திகளையும் வெளியிடுவதையோ பகிர்வதையோ தவிர்க்குமாறு போலீசார் பொதுமக்களுக்கு அறிவுறுத்தியுள்ளனர்.
