பிரதமர் டத்தோஸ்ரீ அன்வார் இப்ராஹிம் மேற்கொள்ளவிருக்கும் அமைச்சரவை மாற்றத்தில் கொல்லைப்புற வழியாக அமைச்சர்கள் மற்றும் துணை அமைச்சர்கள் நியமிக்கப்படுவதை நிறுத்த வேண்டும். அதேவேளையில் செயல்படாத அமைச்சர்கள் மற்றும் துணை அமைச்சர்களை பிரதமர் களையெடுக்க வேண்டும் என்று பினாங்கு மாநில முன்னாள் துணை முதலமைச்சர் டாக்டர் பி. இராமசாமி கேட்டுக்கொண்டார்.கடந்த 11 மாத காலமாக அன்வார் தலைமையிலான ஒற்றுமை அரசாங்கம் இருக்கிறது. ஆனால், பல ஏமாற்றங்கள் மிஞ்சுகின்றன. அன்வாரின் பேச்சு மேற்கத்திய நாடுகளில் வரவேற்கப்படலாம். அது உள்ளூரில் எடுபடாது என்று டாக்டர் இராமசாமி உள்ளூர் ஊடகத்திற்கு அளித்துள்ள செய்தியில் தெரிவித்துள்ளார்.
பொதுத் தேர்தலில் மக்களால் தோற்கடிக்கப்பட்டவர்களுக்கு எல்லாம் செனட்டர் பதவிகளை தந்து ஆதரிக்கக்கூடாது.அன்வாருக்கு நெருக்கமாக இருக்கிறார்கள் என்பதற்காக ஒருவர் பதவியில் அமர்த்தப்படும் நிலை மாற வேண்டும். செனட்டர் பதவிகள் நியமனங்கள் தவறாக பயன்படுத்தக்கூடாது என்று டாக்டர் இராமசாமி கேட்டுக்கொண்டார்.
