Nov 21, 2026
Thisaigal NewsYouTube

ஜாலான் கூச்சிங்கில் போதைப்பொருளுடன் போலீசாரிடம் தப்பியோடிய கார் விபத்து: இருவர் கைது

திசைகள் செய்திப்பிரிவு
Share:
ஜாலான் கூச்சிங்கில் போதைப்பொருளுடன் போலீசாரிடம் தப்பியோடிய கார் விபத்து: இருவர் கைது

கோலாலம்பூர், ஜாலான் கூச்சிங்கில் நேற்று இரவு போதைப்பொருளுடன் போலீசாரிடமிருந்து தப்பிக்க முயன்ற இருவர், மற்ற மூன்று கார்கள் மீது மோதி விபத்தை ஏற்படுத்தியதைத் தொடர்ந்து கைது செய்யப்பட்டனர்.

கோலாலம்பூர் தலைமை போலீஸ் தலைவர் டத்தோ பாடில் மர்சூஸ் கூறுகையில், நேற்று இரவு 7.46 மணியளவில் சந்தேகத்திற்கிடமான முறையில் சென்ற காரை போலீசார் நிறுத்த முயன்றபோது, 40 மற்றும் 42 வயதுடைய அந்த இரு சந்தேக நபர்களும் காரை நிறுத்தாமல் தப்பியோடினர் என்றார்.

இதனைத் தொடர்ந்து, வங்சா மாஜு மாவட்ட போலீஸ் தலைமையகத்தின் போதைப்பொருள் குற்றப் புலனாய்வுப் பிரிவினர் அந்த காரை வங்சா மாஜுவிலிருந்து ஜாலான் கூச்சிங் வரை துரத்தினர். ஜாலான் கூச்சிங்கில் ஏற்பட்ட போக்குவரத்து நெரிசலில் சிக்கிய அந்த கார், கட்டுப்பாட்டை இழந்து அங்கு நின்றுகொண்டிருந்த பெரோடுவா பெஸா , ஹோண்டா சிட்டி மற்றும் பெரோடுவா விவா ஆகிய மூன்று பொதுமக்களின் வாகனங்கள் மீது பயங்கரமாக மோதியது.

இவ்விபத்தில் வாகனங்கள் சேதமடைந்த போதிலும், யாருக்கும் காயம் அல்லது உயிரிழப்பு ஏற்படவில்லை. சம்பவ இடத்திலேயே விரைந்து செயல்பட்ட போலீசார் இருவரையும் கைது செய்து, காரைச் சோதனை செய்ததில் 19.63 கிராம் ஹெராயின் போதைப்பொருள் பறிமுதல் செய்யப்பட்டது.

கைது செய்யப்பட்ட இருவரும் இன்று முதல் காவலில் வைக்கப்பட்டுள்ளதாக டத்தோ பாடில் மர்சூஸ் தெரிவித்தார்.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →