மாது தாக்கப்பட்ட சம்பவம் போ​லீசார் விசாரணை

மாது ஒருவர், வீ​ட்டின் படிக​ட்டில் சில தனிநபர்களால் சரமாரியாக தாக்கப்பட்ட காட்சியை கொண்ட காணொளி ஒன்று ச​முக வலைத்தளங்களில் பகிரப்பட்டதைத் தொடர்ந்து அந்த தாக்குதல் சம்பவம் தொடர்பாக போ​லீசார் ​தீவிர விசாரணை நடத்தி வருவதாக பினா​ங்கு தீமோர் லவூட் மாவட்ட போலீஸ் தலைவர் ஏசிபி சொஃபியான் சந்தோங் தெரிவித்துள்ளார். 39 விநாடிகள் ஓடக்கூடிய அந்த காணொளி நேற்று நள்ளிரவு விமான் விமான் என்ற பெயரில் முக​நூ​ல் கணக்கில் பதிவேற்றம் செய்யப்பட்டு பகிரப்பட்டு வருவதாக சொஃபியான் சந்தோங் சுட்டிக்காட்டினார். இச்சம்பவம் தொடர்பில் 51 வயது நபர் போ​லீசில் புகார் செய்துள்ளார். தாக்கப்பட்ட நபர்,தமது மகள் என்று அவர் குறிப்பிட்டுள்ளார். கடந்த ஆண்டு டிசம்பர் மாதம் ​​வீட்டை விட்டு சென்றவர், பிறகு என்ன ஆனார் என்று தெரியவில்லை என்றும், ​நீண்ட இடைவெளிக்கு பிறகு வீட்டிற்கு திரும்பிய போது இந்த தாக்குதல் நிகழ்ந்துள்ளது என்றும் அந்த நபர் தமது போ​லீசில் புகாரில் தெரிவித்துள்ளார் என்றும் ஏசிபி சொஃபியான் தெரிவித்தார்.