கோலாலம்பூர், டிசம்பர்.07-
பொழுதுபோக்கு, விளையாட்டுகளில் இளைஞர்கள் ஆர்வமுடன் பங்கேற்பதன் மூலம், நேர்மறையான உறவுகளை வளர்க்கவும், ஆக்கப்பூர்வமான தொடர்புகளை உருவாக்கவும் முடியும் என்று தித்திவங்சா நாடாளுமன்ற உறுப்பினர் டத்தோ ஶ்ரீ ஜொஹாரி அப்துல் கானி தெரிவித்தார். இளைஞர் சமூகத்தை மேலும் சுறுசுறுப்பாக்குவதற்கும், பொழுதுபோக்கு தொடர்பான அவர்களின் எதிர்பார்ப்புகளைப் பகிர்ந்து கொள்வதற்கும் இத்தகைய நிகழ்ச்சிகள் மிக முக்கியம் என்று அவர் வலியுறுத்தினார்.
மூன்றாவது ஆண்டாக நடத்தப்படும் Kejohanan Boling Anak Muda 3.0, சுமார் 36 அணிகளின் பங்கேற்புடன் 500-க்கும் மேற்பட்டோர் கலந்து கொண்ட பிரம்மாண்ட நிகழ்வாக அமைந்தது. இந்த ஆண்டுக்கான பௌலிங் போட்டி, விளையாட்டு ஆர்வம் கொண்ட இளைஞர்களை ஒன்றிணைத்து, சமூக நிலையிலான நல்லுறவைப் பலப்படுத்த ஒரு சிறந்த தளமாக அமைந்தது என்று ஜொஹாரி மகிழ்ச்சி தெரிவித்தார்.
