வரும் ஆகஸ்ட் 31 -ஆம் தேதி, நாட்டின் 69-ஆவது தேசிய தினக் கொண்டாட்டத்தை முன்னிட்டு, சிலாங்கூர் சதுக்கம்-இல் இன்று ஆகஸ்ட் 26 முதல் செப்டம்பர் 17-ஆம் தேதி வரை ஜாலூர் கெமிலாங் தேசியக் கொடியை பறக்கவிட மேன்மை தங்கிய சிலாங்கூர் மாநில சுல்தான் சுல்தான் ஷரஃபுதீன் இத்ரீஸ் ஷா அனுமதி வழங்கியுள்ளார்.
இனம், மதம், மொழி, அரசியல் நம்பிக்கை என பல வேறுபாடுகள் இருந்தாலும், அனைவரும் ஒரே நாட்டின் குடிமக்கள் என்பதை ஜாலூர் கெமிலாங் நினைவூட்டுவதாக அவர் தெரிவித்துள்ளார்.
மேலும், தேசியக் கொடி எந்த இனத்தையோ அல்லது மதத்தையோ வேறுபடுத்திப் பார்ப்பதில்லை என்றும், அது அனைத்து மலேசியர்களுக்கும் சொந்தமான தேசிய ஒற்றுமையின் அடையாளம் என்றும் அவர் வலியுறுத்தியுள்ளார்.
தேசிய தின மாதத்தில் ஆயிரக்கணக்கான கொடிகளைப் பறக்கவிடுவது எளிதானது என்றாலும், ஒவ்வொரு குடிமகனும் உண்மையாக மதிக்கப்படுவதாகவும், ஏற்றுக்கொள்ளப்படுவதாகவும், நாட்டைப் பற்றி பெருமைப்படுவதாகவும் உணரும் மலேசியாவை உருவாக்குவதே மிகப்பெரிய பணியாகும் என்றும் சுல்தான் விளக்கமளித்துள்ளார்.
அதேவேளையில், இளம் தலைமுறையினருக்கு பல்வேறு கலாச்சாரங்களை மதிக்கக் கற்பிக்க வேண்டும் என்றும், தலைவர்கள் அனைவரும் எளிமை, சகிப்புத்தன்மை மற்றும் கருணையுடன் முன்னுதாரணமாகத் திகழ வேண்டும் என்றும் சுல்தான் கேட்டுக்கொண்டார்.
