மலேசியாவில் உங்கள் பிள்ளைக்கு 12 வயது பூர்த்தியாகப் போகிறது என்றால், அவர்களுக்கான முதல் அதிகாரப்பூர்வ அடையாள அட்டையான 'மைகாட்' விண்ணப்பிப்பதை மறந்துவிடாதீர்கள். தற்போது இந்த விண்ணப்ப நடைமுறைகளை இணையம் வாயிலாகவே மிக எளிமையாக மேற்கொள்ள முடியும் என்பது பெற்றோருக்கு ஒரு நற்செய்தியாக அமைந்துள்ளது.
12 வயது பூர்த்தியான 30 நாட்களுக்குள் விண்ணப்பித்தால் எவ்வித கட்டணமும் வசூலிக்கப்படாது. ஒருவேளை 30 நாட்கள் கடந்த பிறகு, 12 வயது முதல் 16 வயதிற்குள் விண்ணப்பிப்பவர்களுக்கு 10 ரிங்கிட் கட்டணம் விதிக்கப்படும். எனவே, உரிய நேரத்தில் விண்ணப்பிப்பதன் மூலம் கூடுதல் கட்டணத்தைத் தவிர்க்கலாம்.
விண்ணப்பிப்பவர்கள் மலேசியப் பிரஜையாக இருப்பதோடு, விண்ணப்பத்தின் போது தந்தை, தாய் அல்லது 21 வயதிற்கு மேற்பட்ட சட்டப்பூர்வ பாதுகாவலர்கள் உடன் இருக்க வேண்டும். இதற்கான விண்ணப்பங்களை அதிகாரப்பூர்வ ஜேபிஎன் (JPN) இணையதளத்தில் சமர்ப்பிக்கலாம். முன்கூட்டியே விண்ணப்பிப்பதன் மூலம் தேவையற்ற அலைச்சல்களைத் தவிர்ப்பதோடு, எதிர்கால கல்வி மற்றும் இதர தேவைகளுக்கான அடையாள ஆவணத்தையும் உறுதிப்படுத்திக் கொள்ள முடியும் என்று அறிவுறுத்தப்பட்டுள்ளது.
