தாய்லாந்துக்கு வாகனங்களில் செல்லும் மலேசியர்கள், அந்நாட்டில் சாலை விபத்து ஏற்பட்டால் மூன்றாம் தரப்பினரின் இழப்பீட்டு கோரிக்கைகளையும் உள்ளடக்கும் காப்பீட்டைப் பெற்றுக் கொள்ளுமாறு அறிவுறுத்தப்பட்டுள்ளனர்.
மலேசிய வாகன ஓட்டுநரின் தவறால் விபத்தில் ஒருவர் காயமடைந்தாலோ அல்லது உயிரிழந்தாலோ, பாதிக்கப்பட்டவருக்கோ உயிரிழந்தவரின் குடும்பத்தினருக்கோ கணிசமான இழப்பீடு வழங்க வேண்டிய நிலை ஏற்படலாம் என சொங்க்லாவுக்கான மலேசிய துணைத் தூதரகத்தின் தலைமைத் தூதர் அஹ்மாட் ஃபாஹ்மி அஹ்மாட் சர்காவி தெரிவித்துள்ளார்.
மேலும், வழக்கமாக குற்றம் செய்தவருக்கு விதிக்கப்படும் தண்டனைக்கு அப்பால், விபத்தில் காயமடைந்தவருக்கோ உயிரிழந்தவரின் குடும்பத்தினருக்கோ மலேசியர்கள் இழப்பீடு வழங்க வேண்டிய நிலையும் உள்ளது.
அந்த இழப்பீட்டுத் தொகை சிறியதாக இருக்காது என்றும், எனவே, போதுமான காப்பீடு இருந்தால் இழப்பீட்டுச் செலவுகளையும் அது ஈடு செய்ய முடியும் என்றும் அஹ்மாட் ஃபாஹ்மி தெரிவித்துள்ளார்.
கடந்த அக்டோபர் 2-ஆம் தேதி, சொங்க்லாவில் உள்ள மலேசிய துணைத் தூதரகத்தில் பெர்லிஸ் பத்திரிக்கையாளர் சங்க பிரதிநிதிகள் மேற்கொண்ட மரியாதை நிமித்தமான சந்திப்பின்போது அஹ்மாட் ஃபாஹ்மி இதனைத் தெரிவித்துள்ளார்.
