MALAYSIA AIRPORT HOLDINGS BERHAD - MAHB நிறுவனத்தின் பங்குகளை, GLOBAL INFRASTRUCTURE PARTNERS - GIP நிறுவனம் கொள்முதல் செய்வதற்கு வழிவிடக்கூடாது என அம்னோ-வின் அனைத்து அமைச்சர்களும் அரசாங்கத்தைக் கேட்டுக்கொண்டுள்ளதாக, அக்கட்சியின் துணைத்தலைவர் டத்தோ செரி முகமது ஹசன் முன்வைத்திருந்த கூற்று அவரது தனிப்பட்ட கருத்தாகும்.
அக்கருத்து கட்சியின் நிலைப்பாட்டை பிரதிபலிக்கவில்லை என்றும் முகமது ஹசன் உடனான சந்திப்பில், அதனை தாம் உறுதிபடுத்தியதாகவும் அம்னோ தலைவர் டத்தோ செரி அஹ்மத் ஜாஹித் ஹமிடி தெரிவித்தார்.
MAHB நிறுவனத்தை GIP நிறுவனத்திற்கு விற்பதில், பிரதமர் டத்தூஸ்ரீ அன்வார் இப்ராஹிம் கொண்டுள்ள நிலைப்பாட்டை, அம்னோ-வும் கொண்டுள்ளதாகவும் துணைப்பிரதமருமான அவர் கூறினார்.
இஸ்ரேலுக்கு ஆயுதத்தை தருவிக்கும் நிறுவனத்தில் முதலீடு செய்துள்ள BLACKROCK நிறுவனம், GIP நிறுவனத்தை கொள்முதல் செய்யவுள்ளதாக கூறப்படுகின்றது.
இந்நிலையில், MAHB நிறுவனத்தின் பங்குகளை, GIP நிறுவனம் கொள்முதல் செய்யவுள்ள விவகாரம், நாட்டில் பெரும் சர்ச்சையை ஏற்படுத்தியுள்ளது.
அந்த சர்ச்சைகள் குறித்து கடந்த வெள்ளிக்கிழமை பதிலளித்திருந்த GIP நிறுவனம், MAHB நிறுவன விவகாரத்தில், BLACKROCK நிறுவனம் சம்பந்தப்பட்டிருக்கவில்லை என விளக்கம் அளித்திருந்தது.
