Nov 22, 2026
Thisaigal NewsYouTube

அமெரிக்க டாலருக்கு எதிராக ரிங்கிட் 3.9992 ஆக உயர்வு: 5 ஆண்டுகளில் இல்லாத புதிய உச்சத்தைத் தொட்டது

திசைகள் செய்திப்பிரிவு
Share:
அமெரிக்க டாலருக்கு எதிராக ரிங்கிட் 3.9992 ஆக உயர்வு: 5 ஆண்டுகளில் இல்லாத புதிய உச்சத்தைத் தொட்டது

கோலாலம்பூர், ஜனவரி.23-

வலுவான பொருளாதார வளர்ச்சி மற்றும் சாதகமான வருடாந்திர கண்ணோட்டத்தின் மதிப்பீடுகளுக்கு மத்தியில், அமெரிக்க டாலருக்கு எதிராக ரிங்கிட்டின் மதிப்பு 4 ரிங்கிட் என்ற நிலையைத் தாண்டி, கடந்த ஐந்து ஆண்டுகளில் இல்லாத புதிய உச்சத்தைத் தொட்டுள்ளது.

இன்று பிற்பகல் 2.19 மணி நிலவரப்படி, அமெரிக்க டாலருக்கு நிகரான ரிங்கிட்டின் மதிப்பு 3.9992 ஆக வர்த்தகமாகி புதிய சாதனையைப் படைத்துள்ளது. இந்த ஆண்டின் தொடக்கத்திலிருந்து ரிங்கிட் சுமார் 1.5 விழுக்காடு வளர்ச்சி கண்டுள்ள நிலையில், இன்று 4 ரிங்கிட் என்ற வலுவான தடையை உடைத்து 5 ஆண்டுகளில் இல்லாத புதிய உச்சத்தைத் தொட்டு இருப்பது அனைவரையும் வியக்க வைத்துள்ளது.

மலேசிய மத்திய வங்கியான பேங்க் நெகாரா, தனது OPR வட்டி விகிதத்தை 2.75 விழுக்காட்டிலிருந்து மாறாமல் வைத்துள்ளது. இது சந்தை எதிர்பார்ப்புகளுக்கு ஏற்ப அமைந்ததுடன், விலை நிலைத்தன்மைக்கு மத்தியில் நாணயக் கொள்கை நிலையை உறுதிப்படுத்த உதவியது.

மலேசியாவின் முன்னணி நிதிச் சேவை குழுமமான Kenanga Research ஆய்வின்படி, அமெரிக்க டாலர் குறியீடு 99.0 புள்ளிகளுக்குக் கீழே சரிந்ததால் ரிங்கிட் மேலும் வலுடைந்துள்ளது. ஜப்பானிய அரசாங்கப் பத்திரங்களில் அதிகரித்த ஏற்ற இறக்கம் மற்றும் ஐரோப்பிய முதலீட்டாளர்கள் அமெரிக்க கருவூலப் பத்திரங்களை வைத்திருப்பதை குறைக்கலாம் என்ற கவலைகள் காரணமாக அமெரிக்க டாலர் பலவீனமடைந்ததுள்ளது என்று அந்த நிதிச் சேவை குழுமம் கூறுகிறது.

இந்த செய்தியை பகிருங்கள்

Share this story with your friends and family

தொடர்புடைய செய்திகள்/ Related News

View all in தற்போதைய செய்திகள் →