ஜார்ஜ்டவுன், பிப்ரவரி.23-
கெடா மாநிலத்தில் உள்ள முக்கிய அணைகளின் நீர் மட்டம் கவலைக்கிடமான வகையில் குறைந்து வருவதைத் தொடர்ந்து, பினாங்கு மாநில மக்கள் தண்ணீரை மிகவும் சிக்கனமாகப் பயன்படுத்துமாறு வலியுறுத்தப்பட்டுள்ளனர்.
கெடாவின் மூடா அணை மற்றும் Bedisu அணைகளில் நீர் இருப்பு குறைந்து வருவது, பினாங்கின் முக்கிய நீர் ஆதாரமான சுங்கை மூடா ஆற்றின் நீர் ஓட்டத்தைப் பாதிக்கக்கூடும் என்பதால் இந்த முன்னெச்சரிக்கை விடுக்கப்பட்டுள்ளது.
பினாங்கின் 80 சதவீதத்திற்கும் அதிகமான நீர்த் தேவை சுங்கை மூடா ஆற்றின் மூலமே பூர்த்தி செய்யப்படுகிறது. கெடா அணைகளிலிருந்து நீர் திறந்து விடப்படுவது குறைந்தால், பினாங்கின் நீர் விநியோகம் பாதிக்கப்பட வாய்ப்புள்ளது.
நிலவும் வறண்ட வானிலை மற்றும் நீர் இருப்பு குறைவைக் கருத்தில் கொண்டு, மக்கள் தங்களின் தினசரி பயன்பாட்டில் தேவையற்ற நீர் விரயத்தைத் தவிர்க்க வேண்டும் என பினாங்கு நீர் விநியோகக் கழகம் கோரிக்கை விடுத்துள்ளது.
