மாமன்னர் நோன்பு பெருநாள் வாழ்த்து அட்டைகளில் கையெழுத்திட்டார்

கோலாலம்பூர், மார்ச்.23-

மாமன்னர் சுல்தான் இப்ராஹிம், தாம் அங்கீகரித்த பெறுநர்களின் பட்டியலுக்கு அனுப்ப நோன்புப் பெருநாள் வாழ்த்து அட்டைகளில் கையெழுத்திட்டார்.

கைபேசி போன்ற தகவல் தொடர்பு தொழில்நுட்பத்தின் முன்னேற்றத்திற்கு முந்தைய காலத்தை நினைவுகூரும் வகையில் நோன்புப் பெருநாள் வாழ்த்து அட்டைகளை அனுப்பும் பழக்கத்தைத் தொடர விரும்புவதாக சுல்தான் இப்ராஹிம் கூறினார். "முன்பு, கைபேசிகள், குறுஞ்செய்திகள், வாட்ஸ்அப் போன்றவை எதுவும் இல்லை. வாழ்த்து அட்டைகளை அனுப்பி, வாழ்த்துக்களை எழுதி, கையெழுத்திட்டு இப்படித்தான் நாங்கள் தொடர்பு கொண்டோம்," என்று சுல்தான் இப்ராஹிம் தனது அதிகாரப்பூர்வ முகநூல் கணக்கில் பதிவிட்டுள்ளார்.