ரவாங், குவாங் இரயில் தடங்களுக்கு அருகே கிரேன் கவிழ்ந்ததில் இரண்டு நாட்களுக்கு முன்பு, தடைப்பட்ட கொமூட்டர் மின்சார ரயில் சேவை இதிஎஸ் ஆகியவை இன்று முதல் மீண்டும் செயல்பட தொடங்கின.
தஞ்சோங் மாலிம் நிலையத்திலிருந்து கேஎல் சென்ட்ரல் - லுக்கு செல்லும் கேதிஎம் கொமூட்டர் இன்று காலை 5:05 மணியிலிருந்து தொடங்கியதாக மலாயன் ரயில்வே பெர்ஹாட் (KTMB) அறிவித்துள்ளது.
இச்சம்பவத்திற்காக KTMB மன்னிப்பு கேட்டுக் கொள்வதாகவும் ஒத்துழைப்பு வழங்கிய அனைத்து பயணிகளுக்கும் நன்றியினை தெரிவித்துக் கொள்வதாகவும் KTMB ஓர் அறிக்கையில் வெளியிட்டிருந்தது.
