புத்ராஜெயாவில் நாளை ஆகஸ்ட் 31-ஆம் தேதி நடைபெறும் 69-வது தேசிய தினக் கொண்டாட்டத்தையொட்டி, பொதுமக்களின் வசதிக்காக பல்வேறு பகுதிகளில் சுமார் 15,000 பொது வாகன நிறுத்துமிடங்கள் ஏற்பாடு செய்யப்பட்டுள்ளன.
புத்ராஜெயா அனைத்துலக மாநாட்டு மையமான PICC, Precinct 1, Precinct 8, Precinct 9, Precinct 18 மற்றும் Terra@8 ஆகிய இடங்களில் வாகனங்களை நிறுத்தும் வசதிகள் செய்யப்பட்டுள்ளன.
வாகனங்களில் வருவோருக்கு மாற்றாக இலவச பேருந்து சேவை, எம்ார்டி மற்றும் இஆர்எல் சேவைகளையும் பயன்படுத்தலாம் என அறிவிக்கப்பட்டுள்ளது.
MS01 பேருந்து சேவையானது இன்று பிற்பகல் 2 மணி முதல் நாளை பிற்பகல் 2 மணி வரை 24 மணி நேரமும் இயக்கப்படவுள்ளது.
அதேவேளையில் MS02 பேருந்து சேவை நாளை காலை 4 மணி முதல் பிற்பகல் 2 மணி வரை 5 நிமிட இடைவெளியில் இயக்கப்படும் என அறிவிக்கப்பட்டுள்ளது.
மேலும், “Malaysia Madani: Kesejahteraan Dinikmati” என்ற கருப்பொருளில் நடைபெறும் தேசிய தின விழாவானது நாளை காலை 8 மணிக்கு தொடங்குகிறது.
இதில் 80 ஆயிரத்திற்கும் மேற்பட்டோர் பங்கேற்பார்கள் என எதிர்பார்க்கப்படுவதால், பொதுமக்கள் தங்கள் பயணத்தை முன்கூட்டியே திட்டமிடுமாறு அறிவுறுத்தப்பட்டுள்ளனர்.
