ஈப்போவில் ஒரு வீட்டில் 6 வயது சிறுவன் ஒருவன் துணி சலவை இயந்திரத்திற்குள் சிக்கி, இறந்து கிடந்தது கண்டு பிடிக்கப்பட்டுள்ளது. இச்சம்பவம் நேற்று காலை 11.30 மணியளவில் கம்போங் சுங்ஙை தாபா தம்பாஹான் என்ற இடத்தில் நிகழ்ந்தது என்று ஈப்போ மாவட்ட போலீஸ் தலைவர் யாஹாயா ஹாஸ்ஸான் தெரிவித்தார்.பெற்றோர் உட்பட குடும்ப உறுப்பினர்கள் வீட்டில் இருந்த பட்சத்தில் இந்த சம்பவம் நிகழ்ந்துள்ளதாக நம்பப்படுகிறது. . சலவை இயந்திரத்திலிருந்து சத்தம் கேட்பதை உணர்ந்த அந்த சிறுவனின் பாட்டி, அதனை திறந்து பார்த்த போது அந்த ஆறு வயது சிறுவன் மூச்சுப்பேச்சின்றி சுயநினைவு இழந்த நிலையில் கிடந்ததாகவும், தலையில் பலத்த காயம் ஏற்பட்டிருந்தாகவும் தெரியவந்துள்ள என்று யாஹாயா ஹாஸ்ஸான் தெரிவித்தார்.
அம்புலன்ஸ் வண்டியின் மூலம் ஈப்போ மருத்துவமனைக்கு அந்த சிறுவன் கொண்டு செல்லப்பட்ட போது சிறுவன் உயிரிழந்து விட்டதாக தெரியவந்துள்ளது என்று அவர் குறிப்பிட்டார். இச்சம்பவம் 2001 ஆம் ஆண்டு சிறார் சட்டத்தின் கீழ் விசாரணை செய்யப்பட்டு வருவதாக அவர் மேலும் கூறினார்.
