வரும் மே 27 ஆம் தேதி எஸ்.பி.எம் தேர்வு முடிவுகள் வெளியிடப்படும் என்று அறிவித்துள்ள கல்வி அமைச்சு, நான்கு நாட்களுக்கு முன்னதாக அதாவது மே 23 ஆம் தேதி தேர்வு முடிவை வெளியிட வேண்டும் என்று தேசிய ஆசிரியர் பணியாளர் சங்கமான NUTP கேட்டுக்கொண்டுள்ளது.
மே 24 ஆம் தேதி பள்ளி தவணை விடுமுறை தொடங்குவதால் தேர்வு முடிவு, முன்கூட்டியே வெளியிடப்படுவது மூலம் ஆசிரியர்கள் மத்தியில் தேவையற்ற மன உளைச்சல் ஏற்படுவதை தவிர்க்க முடியும் என்று NUTP- யின் பொதுச் செயலாளர் ஃபௌஸி சிங்கோம் கேட்டுக்கொண்டார்.
2024 ஆம் ஆண்டு கல்வியாண்டின் இரண்டவாது தவணைக்கான பள்ளி விடுமுறை, வரும் மே 24 ஆம் தேதி தொடங்கி, ஜுன் 2 ஆம் தேதி முடிவடைகிறது. இந்நிலையில் விடுமுறை நாட்களில் எஸ்.பி.எம் தேர்வு முடிவு வெளியிடுவது அவர்களின் விடுமுறையை பாதிப்பதுடன் மன உளைச்சலை தரவல்லதாக உருவெடுக்கும் என்று கல்வி அமைச்சுக்கு ஃபௌஸி சிங்கோம் நினைவுறுத்தியுள்ளார்.
