அரசுக்குச் சொந்தமான ஒதுக்கப்பட்ட நிலத்தில் கட்டப்பட்டிருந்த வழிபாட்டுத் தலம் ஒன்று இன்று காலை அதிகாரிகளால் அகற்றப்பட்டது.
கட்டடம் இடிக்கப்படுவதற்கு முன்னதாக, அந்த இடத்தின் உரிமையாளர்கள் அங்கிருந்த சிலைகள் மற்றும் வழிபாட்டுப் பொருட்களைத் தாமாக முன்வந்து அப்புறப்படுத்தினர். எவ்வித அசம்பாவிதமும் இன்றி அமைதியான முறையில் இந்த நடவடிக்கை மேற்கொள்ளப்பட்டது.
சம்பந்தப்பட்ட நிலம் அரசின் வளர்ச்சித் திட்டங்களுக்காகத் தேவைப்படுவதால், சட்டமுறைப்படி அறிவிப்பு வழங்கப்பட்ட பின்னரே இந்த நடவடிக்கை எடுக்கப்பட்டதாக அதிகாரிகள் தெரிவித்துள்ளனர்.
வழிபாட்டுத் தலத்தின் புனிதத்தைப் பேணும் வகையில், பொருட்கள் அனைத்தையும் முறையாக அகற்ற அனுமதி வழங்கப்பட்டிருந்தது குறிப்பிடத்தக்கது.
