அந்த ஆடவரை போலீசார் தேடி வருகின்றனர்

ஈப்போ,ஜாலான் குவாலா கங்சார், குனோங் லங் பெட்ரோனாஸ் எண்ணெய் நிலையத்திற்கு அருகில் சாலையில் படுத்துக்கொண்டு, கவன ஈர்ப்பு நடவடிக்கையில் ஈடுபட்டதாக நம்பப்படும் ஆடவரை போ​லீசார் தேடி வருகின்றனர்.

வாகன போக்குவரத்து மிகுந்த பகுதியில் ஆபத்தையும் பொருட்படுத்தாமல் இச்செயலில் ஈடுபட்ட அந்த ஆடவர் தொடர்பான காணொளி தற்போது சமூக வலைத்தளங்களில் பரவலாக பகிரப்பட்டு வருகிறது. நேற்று முன்தினம் சனிக்கிழமை மாலை 4.30 மணியளவில் இச்சம்பவம் தொடர்பான காணொளி ச​மூக வலைத்தளங்களில் பதிவேற்றம் செய்யப்பட்டுள்ளது. சம்பவம் நடந்த தேதி மற்றும் நேரம் குறித்து துல்லியமாக உறுதிப்படுத்த இயலவில்லை என்று ஈப்போ மாவட்ட போ​லீஸ் த​லைவர் யஹாயா ஹாஸ்ஸன் தெரிவித்தார். அந்த ஆடவரின் செயல் தொடர்பாக போ​லீஸ் புகார் ஒன்று செய்யப்பட்டுள்ளது. குற்றவியல் சட்டம் 283 பிரிவின் ​​கீழ் இது குறித்து விசாரணை செய்யப்பட்டு வருவதாக அவர் குறிப்பிட்டார்.