கோலாலம்பூர், மார்ச் 28-
அல்லா சொல் கொண்ட காலுறைகளை விற்பனை செய்த KK மார்ட் நிறுவன கடைகளை புறக்கணிக்குமாறு மேற்கொள்ளப்பட்ட பிரச்சாரம் உட்பட அம்னோ இளைஞர் பிரிவு தலைவர் டாக்டர் அக்மால் சாலெஹ்-வின் அனைத்து செயல்பாடுகளும் நடப்பு ஒருமைப்பாட்டு அரசாங்கத்திற்கே பாதிப்பை உண்டாக்கும்.
அரசியல் விளம்பரத்துக்காக அப்போக்கை தொடர்ந்தால், பக்காத்தான் ஹரப்பான்-னுக்கு ஆதரவளித்துவரும் மலாய் அல்லாத சமூகத்தினரிடையே அது அதிருப்திகளை உண்டாக்கும் என மலேசிய அறிவியல் பல்கலைக்கழகத்தின் அறிவியல் அரசியல் துறை விரிவுரையாளர் பேராசிரியர் அஹ்மத் பவுஜி அப்துல் ஹமீத் கூறினார்.
அரசாங்கத்தின் தோற்றத்திற்கு பாதிப்பை ஏற்படுத்தாமலிருக்க, டாக்டர் அக்மால் சாலெஹ்-விடம் பிரதமர் டத்தோ ஸ்ரீ அன்வார் இப்ராஹிம், கடுமையான போக்கை கொள்ள வேண்டுமென அவர் வலியுறுத்தினார்.
டாக்டர் அக்மால் சாலெஹ்-வின் செயல்பாடு ஒட்டுமொத்த அம்னோவையும் பிரதிபலிக்கவில்லை என கூறிய அனைத்துலக இஸ்லாம் பல்கலைக்கழகத்தின் அறிவியல் அரசியல் துறை கல்வியாளர் லாவ் ழே வெய், நடப்பு அரசாங்கம் வலுவாகவே இருக்குமென தாம் கருதுவதாக குறிப்பிட்டார்.
