சகோதரனுக்கு மரணம் விளைவித்ததாக சிறுவன்மீது குற்றச்சாட்டு

தனது ஒன்பது வயது சகோதரனின் கழுத்தை நெரித்து கொன்றதாக 14 வயது சிறுவன் ஒருவன்,மலாக்கா, ஆயர் குரோ மாஜிஸ்திரேட் நீதிமன்றத்தில் இன்று குற்றஞ்சாட்டப்பட்டான்.

அச்சிறுவன், மலாக்கா, கம்போங் புக்கிட் பியாத்துவில் உள்ள தனது வீட்டில் இக்குற்றத்தை புரிந்ததாக நீதிமன்றத்தில் தெரிவிக்கப்பட்டது. குற்றவியல் சட்டம் 302 பிரிவின் கீழ் குற்றஞ்சாட்டப்பட்ட அந்த சிறுவனிடம் எந்தவொரு வாக்குமூலமும் பதிவு செய்யப்படவில்லை.

மாஜிஸ்திரேட் ஷர்டா ஷின்ஹா சுலைமான் முன்னிலையில் நடைபெற்ற இவ்வழக்கு, மலாக்கா உயர் நீதிமன்றத்திற்கு மாற்றப்படுவதாக தெரிவிக்கப்பட்டது.