பெட்டாலிங் ஜெயா, ஏப்ரல் 24-
வரும் மே 11 ஆம் தேதி நடைபெறவிருக்கும் கோலகுபு பாரு சட்டமன்ற இடைத் தேர்தலில் DAP சார்பில் பக்காத்தான் ஹராப்பான் வேட்பாளராக DAP யின் உதவித் தலைவரும், வீடமைப்பு ஊராட்சித்துறை அமைச்சருமான ங்கா கொர் மிங் கின் பத்திரிகை செயலாளர் பாங் சொக் தாவ் போட்டியிடுவார் என்று இன்று கோடி காட்டப்பட்டுள்ளது.
கோலகுபு பாரு சட்டமன்றத் தொகுதியை தற்காத்துக்கொள்ள அந்த பெண் வேட்பாளை DAP களம் இறக்குகிறது என்று பக்காத்தான் ஹராப்பான் முன்னணி தலைவர் ஒருவர் தெரிவித்துள்ளார்.
அதேவேளையில் இந்த இடைத் தேர்தலில் DAP வேட்பாளராக தாம் தேர்வு செய்யப்பட்டு இருப்பதை பாங் சொக் தாவ் மறுக்கவும் இல்லை, ஒப்புக்கொள்ளவும் இல்லை.
இந்த இடைத் தேர்தலில் போட்டியிடவிருக்கும் வேட்பாளரின் பெயர் இன்று புதன்கிழமை அறிவிக்கப்படும் என்று பக்காத்தான் ஹராப்பான் சார்பில் இடைத் தேர்தல் இயக்குநரான நியமிக்கப்பட்டுள்ள எங் ஸசெ ஹான் தெரிவித்துள்ளார்.
