சரவாக் மாநிலத்தில் உள்ள ஆர்டிஎம் அலுவலகத்தில் ரேட் எஃப்எம் வானொலி தொகுப்பாளராக பணியாற்றி வந்த 47 வயதான அஸ்ரானி அஸ்மி, நேற்று இரவு அலுவலகத்தில் மயங்கிய நிலையில் கண்டெடுக்கப்பட்டதைத் தொடர்ந்து உயிரிழந்தார்.
இரவு சுமார் 8.40 மணியளவில் சக ஊழியர்கள் அவரை மயங்கிய நிலையில் கண்டறிந்து, சரவாக் பொது மருத்துவமனைக்குக் கொண்டு சென்றதாக அவரது தங்கை நூர்ஃபாரா ஹான்னா அஸ்மி தெரிவித்துள்ளார்.
அவருக்கு உயர் ரத்த அழுத்தம் இருந்த போதிலும், தீவிரமான உடல்நலப் பிரச்சினைகள் எதுவும் இல்லை என்றும், மரணத்திற்கான காரணத்தை உறுதிப்படுத்த உடற்கூராய்வு முடிவுக்காக குடும்பத்தினர் காத்திருப்பதாகவும் அவர் குறிப்பிட்டுள்ளார்.
இந்நிலையில், அஸ்ரானி அஸ்மியின் உடல் சாமாரியாங் முஸ்லிம் கல்லறையில் நல்லடக்கம் செய்யப்படும் என எதிர்பார்க்கப்படுகிறது.
