நாடாளுமன்றச் சேவைகள் மன்றத்தில் ஆளும் தரப்பிலிருந்து இருவரும், எதிர்க்கட்சியிலிருந்து இருவருமாக நான்கு நாடாளுமன்ற உறுப்பினர்கள் நியமிக்கப்பட்டுள்ளனர். இதற்கான பிரதமர் டத்தோ ஸ்ரீ அன்வார் இப்ராஹிமின் தீர்மானத்தை மக்களவை இன்று புதன்கிழமை அங்கீகரித்தது.
நியமிக்கப்பட்டவர்கள் ராம்கர்பால் சிங், டத்தோ ஸ்ரீ ஹஸ்னி முகம்மது, டத்தோ ஸ்ரீ டாக்டர் ரொனால்ட் கியாண்டீ, டத்தோ ஸ்ரீ தக்கியுடின் ஹசான் ஆகியோர் ஆவர்.
நாடாளுமன்றச் சேவைகள் சட்டம் 2025 மற்றும் அது தொடர்பான அரசியலமைப்புத் திருத்தங்கள் அக்டோபர் 1ஆம் தேதி நடைமுறைக்கு வந்ததைத் தொடர்ந்து இந்த நியமனங்கள் செய்யப்பட்டுள்ளன. இரு தரப்பினரும் பெயர்களுக்கு ஒப்புதல் அளித்ததால், விவாதமின்றி தீர்மானம் நிறைவேற்றப்பட்டது.
