ஜோகூர் மாநில சட்டமன்றத்தின் எதிர்க்கட்சித் தலைவராக ஸ்துலாங் சட்டமன்ற உறுப்பினர் சென் க எங்-ஐ பக்காத்தான் ஹராப்பான் நியமித்துள்ளது.
இந்த நியமனத்திற்கு பக்காத்தான் ஹராப்பானின் மூன்று கூட்டணிக் கட்சிகளான ஜசெக, பிகேஆர் மற்றும் அமனா ஆகிய அனைத்தும் ஒப்புதல் அளித்துள்ளதாக ஜோகூர் மாநில ஜசெக தலைவர் தியோ நி சிங் தெரிவித்துள்ளார்.
ஜோகூர் மாநில சட்டமன்றம் ஜூன் 1-ஆம் தேதி கலைக்கப்படுவதற்கு முன்பும் சென் க எங் எதிர்க்கட்சித் தலைவர் பதவியை வகித்திருந்தார்.
கடந்த ஜூலை 11-ஆம் தேதி நடைபெற்ற மாநிலத் தேர்தலில் பாரிசான் நேஷனல் 48 இடங்களில் வெற்றி பெற்று புதிய மாநில அரசாங்கத்தை அமைத்தது.
பக்காத்தான் ஹராப்பான் கூட்டணி 8 இடங்களை மட்டுமே கைப்பற்றியது குறிப்பிடத்தக்கது.
